نضع الزيت والسكر واللبن والكاكاو في الخلاط ونضرب جيدا لحد ما يتقل قوامه ناخد من الصوص كوب نحطه في الثلاجة

نضع باقي الصوص في بولة ونضيف البيض والفانيليا والخل ونضرب كويس ثم نضيف الدقيق مع البيكنج باودر ونقلب الى ان يختلط

ندهن صينية سمنة ونضيف الخليط ويدخل فرن على حرارة ١٨٠ درجة لمدة نصف ساعة ونختبره بخلة اسنان او بطرف السكينة بس عموما المدة دي كافية جدا مع درجة الحرارة دي علشان يستوي الكيك

بعد ما يخرج من الفرن نسيبه يبرد خالص وبعدين نقسمه طبقتين

نحضر الكريم شانتيه : هنضيف الكريم شانتيه الخام واللبن البارد والسكر البودرة مع بعض ونضرب بالمضرب الكهربائي لحد ما القوام يتقل وممكن نضيف ملعقة صغيرة كاكاو خام لو حابين الكريم شانتيه يكون لونه اغمق شوية

بعد ما نقسم الكيك نفرد عليه من النص طبقة من الكريم شانتيه وممكن كمان ملعقة من الصوص اللي شيلناه في الثلاجة، وبعدين نقفل الكيك بالطبقة التانية ونغطي التورتة بالصوص اللي كان في الثلاجة ، نحط الكريم شانتيه في كيس التزيين او حقنة التزيين ونرسم على التورتة من فوق خطوط تقسمها لكذا مثلث ونحط في كل مثلث نوع او شكل مختلف من الشكولاتة وفي النهاية ممكن نحط الشكولاتة الاصابع حول التورتة من الجنب هتديكم شكل حلو ، بالهنا والشفا