قطعت صدر الدجاج وحطيتو يتقلا مع الزيت.

ضفت عليه البصل.

من بعد زدت عليهم الفلفل و الطماطم مع التوابل نقصت عليهم النار وخليتهم يطيبو.

من جيهة أخرى حكمت حبة بطاطا رابيتها وعصرتها من الما تاعها.

بعدما طابت الخضر وبردو شويا ضفت عليهم ملعقة صغيرة خميرة الحلويات.

زدت عليهم الفرينة.

والبيض.

وحطيت عليهم البطاطا لي كنت رابيتها بالرقيق.

خلطتهم مليح وحطيتهم في مول يدخل للفرن وحطيت عليهم الجبن المبشور ودخلتهم للفرن.

خرجتها للفرن وقدمتها ،وجات بنينة، شهيتكم فالجنة ان شاء الله.