نجيب بلا نتاعي نحل لعجينة على حساب بلا لي عندي بلا متوسط ماهو كبير ماهو صغير نفرش فيه ورق طهي ونضع عليه لعجينة نحلها رقيقا نوعاما مش بزاف لي انو راح تتنفح ونتقبها بلفرشيطا كامل ياه متتنفخش وتدخلها لفرن طيب ملتحت ونشعلها ملفوق تتحمر ونطفي عليها حتى تبرد تماما

بعدنروح نحضر لكريم باتيسري نجيب كسرونة ومدير فيها لحليب ولميزينا ولفاني وصفار بيضة ولفرينة نخلط كل معا بعض ونحطو فوق نار متوسطة ونبقا نخلط حتى اثقال وتخليها على جنب تبرد

كلاصاج ندير فيه حبة بياض بيض ونضربها بلباتور مليح ونضيف فانيلا وليمون ونضرب ونضيف سكر رطب تدريجيا حتى نتحصلو على قوام كريمي ونضيف لها ملعقة كبيرة زيت وتخليها

بعد مبرد عجينة ميل فاي نقسمها على نصفين ولا ثلاثةإختيارك ونلصقها بالكريم باتيسري ونضيفلها كلاصاج ملفوق وخطوط بشوكولاتة كيما اي مثل فصورة وتخليها فلبراد حتى تحكم روحها باه نقطعها بصحة وراحة