في قصعة حطيت السميد ثم أضفة لدام لي هي كيلة إلى 1\4 دهان ذائب + 4/1 الآخر زيت والملح.بسست مليح السميد و ليدام حتى نساجمو،نحيت شوية من هذاك الخليط وحطيت على جهة.

نقيت الغرس مليح وحطيته في وعاء ونسمته بالقرنفل و الكبابة وعجنته بشوية زيت وحليته فوق كيس بلاستيكي.لميت العجينة بالماء شوية بشوية وحليتها من جهة أخرى بالوراق على شكل مستطيل.

سييت بشوية نرفد الغرس ونحطو فوق العجينة ونسويه ثم نضيف عجينة أخرى ونحطها من الفوق ونبقى نعدل فيها حتى نغطي كامل العقدة.نحكم الكمية تاع السميد المدهون لي كنت خليتها فلأول وندريها على كامل الوجه ثم نقلب العجينة وندير نفس العملية باش كي نطيب البراج ما يتحرقوليش فالطاجين.

نقطع لبراج نتاوعي كيما اي مثل في الصورة ونسخن الطاجين ،نبدأ نطيب فيهم من الجهتين على نار هادية حتى نكمل كامل الكمية.

شهية طيبة😋😋😋😋😋