في كوكوت حطيت القانصة بعدما كنت نقيتها وغليتها، حطيت معاها شوية زيت وخليتها تتقلى ثم زدتلها، بصلة مفرومة مع التحريك فوق النار ثم الثوم والتوابل، في الأخير زدت الصلصة والرند، مرقت بالماء وبلعت الكوكوت.

في هذه الأثناء نقيت البطاطا وقطعتها دوائر ملحتها وقليتها ثم صففتها في صحن التقديم كيما موضح في الصورة.

كي طابت القانصة ضفتلها المعدنوس وحطيتها فوق البطاطا وحطيت عليها الجبن المبشور. رافقت طبقي بالسلطة اليومية لي ماتخطيش مايدتي.

بالهنا الشفاء🦋🦋🦋🦋🦋