ندير كمية من السميد في صحن كبير وندير الملح ونلم بالماء ندلكها مليح ونقسمها على إثنين ونحلها

نطيب الخبز (الفطير) في طجين تاع الطين فوق الكانون (الطابونة) وكي يطيب نفتتو ومن جهة نشوي الثوم والفلفل الأخضر حار

نقشر الثوم ونقطع الحشاوش ونهرسهم مع بعض في المهراس أنا عندي مهراس صغير ونهرس الفلفل الأحمر الحار اليابس ونقشر الطماطم ونرحيها وندير عليها الحشاوش والثوم والفلفل الأحمرالحار ونقشر الفلفل الحار الأخضر ونقطعو وندير الملح والزيت وكاس ماء وراس الحانوت م ك طماطم مصبرة ونحطهم فوق النار يتغلاو

نجيب طاس تاع البيتخام أو أيي إناء عند تقدري تستعمليه طبسي إنوكس أو كوكوط صغيرة المهم تقدري تهرسي فيه الزفيطي أما الذراع تاع المهراس إستعملت الحلال وكوكوط صغيرة وديري كمية من الفتات وكمية من الصوص وهرسي وزيدي كمية من الفتات وكمية من الصوص وهكذا حتى تهرسي الزفيطي تاعك قدميه مع الحليب أو اللبن وزينيه بالحشاوش وزيت الزيتون صدقوني مع أنو حااار ولكن راح يعجبكم 😋😋😋