نعجن العجينة وتكون طرية ونخليها ترتاح أطول مدة حتى ممكن تحضري العجينة في الليل والصباح طيبيها أو تحضريها الصباح في المساء طيبيها وتغطيها بكيس بلاستيكي أو بابي سيليفون وبعدما ترتاح شكلي كويرات صغار وحلي الكرة رقيقة جداً وطبقيها على أربعة وبعد حلى كرة أخرى رقيقة جداً وحطي الخبزة وسط الخبزة الثانية لي حليناها كيما اي مثل راه مبين في الصورة

وديري زبدة بين كل طبقة وطبقة

وغطيها بكيس بلاستيكي أو بابي سيليفون وخليهم يرحو غير شوي وحلي الخبيزة تاعك وحاولي تحافظي على شكلها مربع

نرش المغلي بالزبدة ولا الزيت وندير الخبزة طيب وكي تبدأ تنشف من الفوق نرشها بالزيت ونقلبها ونبقى نحرك فيها ونقلبها حتى نتحصلو على لون ذهبي وتتورق يخرج رووووعة

تحبي تدهنيه بخليط زبدة وعسل وممكن ترشي عليه كاوكاو محمص ومرحي رقيق

طرقة الحفظ ديريه في علبة بلاستيكية وفرشيلو بابي وغطيه بالبابي الماص للزيت وأغلقيها مليح ودخليه للثلاجة

أحتفظي بيه بدون عسل وزبدة وكي تحتاجي أدهني غير لي تحتاجيها بصحتكم