نحطو السميد مع الملح ونشمخوه بالما بالشوي ما يزلقناش ندلكو شوي ونخليه يرتاح قد ما يرتاح قد ما مليحة ليه انا ساعات نخليه يبات في ساشي ونحطو ف الفريجيدار كي نقرب نكمل ندلكو مليح نخوجو يدفا

نحط كأس ما دافي ونحط فيه مغرفة خميرة الخبز َ مغرفة و نص خميرة كيميائية و ندلك بالشوي بأه ما يتفدغش حتان يولي يدير النبيل و يطرطق

نديرو بولات نقسمهم متوسطين وندير الزيت ف المقلة يسخن ونبدأ نحل ونحط ف المقلة ونزرب نفرغ فوقو الزيت لازم يكون سخون بزاف والنار تكون زايدة تلقاي تنفح و يجي فارغ من داخل مش معجن وخفيف و ما فيهش الزيت وشهية طيبة