حطيت الفرينة و الخميرة و الملح و الزيت، بسستها مليح حتى تشرب كامل الزيت ثم أضفت المكون السحري والسر في نجاحي لتحضير هذا الخبز لي هو الخل محسن للعجينة ثم بدأت في تبليل العجينة بالماء الفاتر مشي الدافئ وحاولوا تخلوها تتلصف في أيديكم

نلم العجينة مليح وندلكها مدة 3 دقائق تشوفوا تتلم وتولي رطبة ثم نغطيها بكيس بلاستيكي وتركها ترتاح ربع ساعة، بعد مرور 15د نقسم العجينة إلى دوائر متساوية في الوزن (عينك ميزانك) وتغطيها ترتاح مدة 10 د أخرى.

سخني مليح الطاجين أو المقلة لي تعملي فيها الفطيرة أو المطلوع وورقي الكريات نتاوعك بشكل دوائر رقاق بزاف وحطيهم على الطاجين ونقسي لنار،أول ما يبانولك الفقاعات مثل ما هو في الصورة ،قلبي العجينة حتى تطيب من الجهتين وما تخليهاش بزاف فوق النار لازم تبقى طرية وهذا سر نجاحه الثاني.

بالهنا والشفاء💝💝💝💝💝💝