نخلط الزبدة و الزيت و السكر مليح بالباتور و من بعد نضيف البيض ونخلط والفاني وقرصة الملح وتبدا نضيف في الفرينة بالتدريج مع الخميرة حتى نتحصل على عجينة طرية المهم تتشكل نحطها في كيس بلاستيكي ترتاح شويةو نبدا نشكلها

ناخذ القليل من العجينة و نحلها بالاستعانة بكيس بلاستيكي و الحلال و نحط مول السيقار نقيس عليه ونقطع حتى نكمل كل العجينة وندخلها على فرن مسخن مسبقا وعلى نار متوسطة زي ما نطيبوا الصابلي نطيبوه من التحت وبعد نشعل من فوق وننزعهم من مول بعد ما يبردوا شوية و نسايسوهم العجينة تكون هشيشة بزاف

نحضر الحشو نحط الكاوكاو و حلوة الترك و نبقى نضيف في النيسلي حتى نتحصل على خليط متماسكة شوية نعمروه في لابوش و نعمر السيقار تاعي و نخليهم يبردوا شوية في الوقت لنكون ذوبت فيه كمية الشوكولاطة و نخففها بالقليل من الزيت و نڨلاصي الحبات تاعي و بعد ما يبردوا ندير عليهم خطوط بنفس الشوكولاطة لڨلاصيت بيه تخرجلي اذا صغرت في السيقار 40حبة