نقشر البطاطا نغسلها و نرابيها فلخشين و نعصرها من الماء مليح و نخلط فيها بيضة فرينة و ملح و معدنوس (بقدونس) و شوية من بصلة مرابية

نقلي المرقاز نص طياب و نحشية في البطاطا.كل مرقازة ندور بيها كمشة بطاطا و نقليها في زيت سخون على نار متوسطة

للمرق : نقليو الدجاج مع لبصل نزيدو الطماطم مرابية و التوابل و الملح و نمرقو نضيفو المعدنوس (بقدونس) و نخليوهم يطيبو ربع ساعة

نحطو البطاطا بعد ما قليناها في الفرن و نغلفوها بالالمنيوم تكمل طيابها لمدة ساعة

بعد ما اطيب نسقيوها بالمرقة