اولا نضع في كسرونة العسل والسكر ونضعه على النار الهادئة جدا ونبقى نحرك فيه حتى يذوب السكر في العسل لازم يذوب السكر هاذي العملية تاخذ حوالي نصف ساعة

هنا لما قريب يذوب السكر نخلط بياض البيضة ورشة الملح بالباتوغ حتى يصبح مثل الثلج نضعه جانبا

هنا لما نتأكد بلي ذاب السكر في العسل جيدا نصبه فوق البياض على شكل خيط رفيع مع الخلط المستمر نكمل كامل العسل ونبقى نخلط فيها حتى يدفى الصحن هنا لازم عجانة او باتوغ نوعية جيدة جدا ، ثم رجعتها للقدر على النار الهادئة مع التحريك المستمر

نبقى نخلط فيها على النار حوالي 45 دقيقة لانو عملت كمية كبيرة كل ماتكون اقل تاخذ وقت اقل هنا باش نعرفوها وجدت ندير القليل من الخليط في ماء بارد إذا تكونت كرة راها واجدة نديرلها الفانيلا والمكسرات ونخلط ونضعها في صينية مستطيلة أو مربعة فيها كيس غذائي دهنتو بالزيت فرغتها بسرعة لأنها رايحة تيبس وخليتها حتى بردت وقسمتها حسب ماتحبو مستطيلات أو مربعات