في طنيجرة نديرو زيت و سمن و نقلو دجاج مليح

بعد مايتقلا دجاج نضيف بصل مرحي و توابل و حميصة فل أول الا ماكانتش طايبة و عود قرفة نخلوه تتقلا مليح حتى يخرج بصل ڨع ماه

بعدها نمرقو شوية زيادة لأنو نحتاجو لاصوص للتليتلي

كي تجمر نحو غرفية مرقة

في جهة نحمصو تليتلي بشوية زبدة نقعدو نقلبو حتى يولي دوغي و مايلسقش بعد ما يتحمص نديرو شوية ملح و عبر ماء و عبر مرقة لي نحيناها(العبر حسب وجه عبرتو تليتلي تعكم) نقصولو للنار و نخلوه يطيب (يستوي) خلطوه خطرة على خطرة بش مايلسقش

ملاحظة : الا شتوه ماطابش شوية زيدولو شوية ماء سخون و خلوه يطيب (يستوي) و قدموه مع مرق حميصة و دجاج 🤸‍♀️🤸‍♀️🤸‍♀️