نقي البطاطا ونقطعها على أربع و نديرها في الماء تغلي ونقطع الجزر مربعات صغار و نفورها مع الجلبانة ونديرلها كمية من الملح بعدما طيبلنا البطاطا نمعسها بواسطة فرشيطة والملعقة الخاصة بيها ونضيفلها الزبدة والجبن الطري والملح والفلفل الأسود ونفرغ عليها الخضار اللي كنت فورتها ونضيف المعدنوس واللحم المفروم اللي كنت قليتو في شوية تاع الزيت والملح والفلفل الأسود وفي الأخير نضيف الكاشير ونخلطهم مع بعض

ثم نفرغها في مول كنت دهنت بالزبدة ونسوي الوجه وندير فوقها جبن مبشور

وندخلها الفرن تتجمرلنا و تأخن اللون الذهبي لون لغرتان و شهية طيبة 🤤😘😘😋💞