نخلط جميع المقادير الجافة مع بعض ونجمع بالماء ثم نضيف كاس الزيت تدريجيا حتى تصبح عجينة متماسكة وطرية في نفس الوقت ونتركها تختمر لمدة 20 دقيقة تقريبا

بعدما تختمر نقسمها على حساب صينيات انا خرجتلي زوج كبار و وحدة صغيرة نحلهم في صينية مدهونة بشوية زيت ونتقبها بالفرشيطة ونفرغ عليها صلصلة طماطم ونزينها بحبات الزيتون الاسود لي يكون مشمخة في شوية زيت((باش يقعد يبرق 🤭😜😜)) وليزونشوا او تون حسب الرغبة

ونخليها تختمر 10 او 15 دقيقة حسب الرغبة انا نحبها طرية و خفيفة خليتها تختمر 15د ونطيبها في فرن ساخن جداً ويكون درجة حرارة 280 ° او نحمرها من فوق

ونزينها بالمعدنوس كي تخرج من الفرن

وممكن إضافة فلفل حار

صلصلة طماطم :نقطع طماطم قطع صغيرة ولا نسكرفجها ولازم في تكون حمرة او ملعقة طماطم مصبيرة انا ماستعملتهاش ممكن(( استغناء عليها في حين كانت طماطم حمرة او طايبة)) انا نصف طماطم قطعتها او زوج حبات سكرفجتها او نزيد الملح والزيت فقط او مانطيبوهاش باش ماتنشفش داخل الفرن او تجي مثل لي تتباع

بصحة والراحة