نجيب الحلة و نحط الزيت على النار

ننزل بالشعيرية و نقلب لحد ما لونها يبقي بني (مش اللون الذهبي)

ننزل بالرز و الملح و نقلب

نغطي الرز بالمايه و تكون عالية عنه شوية

نغطي الحلة و نسيبه علي النار لحد ما يتشرب

نوطي النار لحد ما يستوي

ننزل بالزبدة و نقلب قبل ما نطفي النار

بالهنا و الشفا

ملحوظة بقى لو الرز استوي و لسه حاسة ان فيه ماية ارفعي الغطا و سيبيه على نار هادية لحد ما المايه تتبخر علشان ما يعجن

بالنسبة للزبدة هتديله لمعه حلوة و طعم يجنن

اطبخي من قلبك هيوصل بالهنا لمعدتهم