قطعى اللحمة شرايح رفيعة جدًا، وحطى كل البهارات على اللحمة (من غير الكريمة أو الزبادي) وقلبيهم كويس أوى وبعد كدا حطى عليهم الزبادي وقلبى كويس، ودخليهم الثلاجة ليلة على الاقل لطعم أحلى.

ثاني يوم.. شوية زيت فطاسة ساخنة اوي على النار نزلى فيها الشاورما وافضلى قلبى فيها لغاية ما تتشرب كل السوايل،
اول لما تتشرب خليها تأخذ لون بقى شوية.

بعد كدا حطى الطماطم وقلبيها مع اللحمة لحد ما تذبل شوية، وآخر حاجة البقدونس، وطبعًا متنسيش الطحينة مع ساندوتشات الشاورما.