સૌ પ્રથમ એક વાસણમાં ઘઉનો લોટ, મેંદો, ઘઉનો કકરો લોટ, સોજી લઈ મિક્સ કરો. હવે તેમાં મીઠું, અજમો, મરીપાવડર, તેલ ઉમેરો.

બરાબર મિક્સ કરી જરૂર મુજબ પાણી ઉમેરી થોડો કઠણ લોટ બાંધો. લોટ બંધાઈ જાય એટલે તેને 10મિનિટ ઢાંકીને રહેવા દો.10 મિનિટ પછી લોટને થોડો મસળી તેમાંથી એક લુવો લો.

તેને વણી લો. આવી રીતે 3 રોટલી વણી લો. એક રોટલી લો. તેના પર્ ઘી લગાવી સંચળ, મરચું, મરી પાઉડર ભભરાવો. તેના પર ઘઉંનો અથવા ચોખાનો લોટ ભભરાવો.

તેના પર બીજી રોટલી મૂકો. હવે પેલી રોટલી પર ઘી વાળુ લગાવ્યું તે રીતે લગાવો આવી રીતે 3રોટલી નાં લેયર કરો. હવે તેનો રોલ વાળો. રોલ વણાઈ જાય એટલે તેના એક સરખા ભાગ કરો.

હવે તેને વણી લો. તેમાં કાંટા ચમચી વડે કાપા પાડો. બધી પૂરી વણાઈ જાય ત્યાં સુધી તેલ ગરમ કરવા મૂકો. તેલ ગરમ થાય એટલે પૂરીને ગરમ તેલમાં તળી લો.

બદામી રંગની થાય ત્યાં સુધી તળો. તળાઈ જાય એટલે તેને ડીશ માં લઇ પીરસો. તો તૈયાર છે મસાલા મઠરી.