اغسلى الفرخة كويس جدًا قطعيها، وبعدين اغسليها بخل وزنجبيل وملح ودقيق واشطفيها.

جهزى حلة فيها زيت وحته زبدة أو سمنة وانزلى بالفراخ والملح والفلفل اسود وقلبى شوية فيها على الناحيتين وبعدين شيليها.

تكونى مجهزة بصل كتير متقطع حطيه مكان الفراخ ومعاه ملعقة سكر صغيرة وقلبى في البصل لحد لما يبقى لونه بنى كدا شوية.

انزلى بالفراخ ثاني وحطى زنجبيل بودر وفلفل أسود وملح وثوم بودر وبصل بودر ومعلقة صغيرة سكر وقلبى شوية وبعدين حطى نص كباية ماء وهدى النار وسيبيها تكمل سوا وقلبى فيها على الناحيتين.. بتأخذ حوالي ربع ساعة أو عشر دقائق وبعدين اطفى عليها.

حطيها في الصينية ودخلهيا الفرن تحت الشواية تأخذ بالصوص بتاعها لون حلو وبألف هنا.