هنجيب بولة كبيرة ونحط فيها الدقيق، والنشا والفانيليا والسكر، والخميرة، ونقلبهم فـ بعض.

هنحط المية عليهم بالتدريج ونعجن، لحد ما تبقى العجينة سايلة وطرية.

هنغطى العجينة بورق نايلون ونسيبها تخمر.

بعد ما تخمر هنفضى العجينة م الهوا بالضغط عليها، وبعدين نبدأ نشكل الزلابيا.

هنحط العجينة فـ الآلة الخاصة بالزلابيا، أو ممكن نعبى العجينة فـ كيس ونفتح فـ الكيس فتحة صغيرة ونشكل كور.

هنجهز زيت القلي، ويُفضل يكون فـ حلة مش مقلاية عشان كل الزلابيا تاخد لون واحد.

بعد ما تتقلى وتاخد لون، هنطلعها نحطها فـ الشربات علطول، أو ممكن تتحطنوا سكر ولما تطلعوها ترشوها بيه، وبالهنا والشفا 😋