قوارب الباذنجان
إفتح في تطبيق كوكبادالخطوات
- 1
اول خطوه
شغلي الفرن يسخن
وهاتي قوارب الباذنجان اللي فرغناها ونرصها في صينيه ونرش عليها زيت زيتون او نمسحها بفرشاه متغمسه في زيت الزيتون ونرش عليها شويه ملح وندخلها فرن عالي عشان نشويها وكل شويه بصي عليهم لحد م تتشوي - 2
تاني خطوه
حطي شويه زيت زيتون او زيت عادي في حله على النار ونزلي عليهم البصل و الثوم وشوحيهم شويه وبعدين حطي عليهم شويه زعتر و روزماري وقلبي
وبعدين هنضيف قلب الباذنجان اللي قطعناه حتت صغيرة ونقلب كويس لحد م يذبل شويه
وبعدين ضيفي الجزر والكوسه والبطاطس وقلبي شويه وبعدين ضيفي الفلفل الالوان و رشه الملح ورشه الفلفل الاسود(حوالي ملعقة صغيرة يعني)
وبعدين ننزل باللحمه المفرومه ونقلبها
وآخر حاجه ننزل ب نص كميه الطماطم اللي معانا عليهم ونقلب ونسبها تأخذ غلوه وكده هتكون الحشوه خلصت. - 3
ملحوظة..
الكوسه او الجزر او البطاطس اختياري يعني عادي انه يغيب اي نوع فيهم وعادي اننا نزود اي حاجه بدلهم. - 4
تالت خطوه
هاتي نص كميه الطماطم اللي باقيه وحطي عليها شويه زعتر و روزماري وملح وفلفل
وهاتي صينيه او طاجن و افردي الطماطم فيها
وبعدين هنجيب الباذنجان اللي خرج من الفرن ونرصه في الصينيه ونحط الحشو جواه.. - 5
وآخر حاجه هنحط على الوجه جبنة موتزاريلا او اي نوع تحبيه
وندخلها الفرن ربع ساعة على فرن عالي يكون سخن ونشغل الشوايه آخر دقيقتين عشان نحمر الوجه وبألف هنا على قلوبكم ♥️✨
Keywords
وصفات مشابهة
وصفات ننصحك بمشاهدتها
التعليقات (6)