نغسل اوراق السبانخ نقطعهم قطع صغيرة ونخليه على جنب نحكم مقلة ندير فيها شوية زيت وندير البصل يتقلى شوية نزيد توم ونحرك ونزيد لحم مفروم ونحمسهم مليح نزيد عليهم السبانخ (انا درتهم مباشر بلاما نغليه ولا نفورو) لحبت تفورو ولا تغليه هذاك اختياري ونخليه يتقلى مليح منبعد نزيد الملح والفلفل اسود والطماطم المصبرة وحبة الطماطم مسكرفجة وندير عليهم فنجان ماء ونخليه يطيب كي نشوفو نشف.

نحكم مول يدخل للفرن نمسحو بشويه زبدة ونفرغ فيه سبانخ تاعي في المول ونزكيه بشوية بطاطا مقطعة مكعبات ومقلية نخلطعم مع بعض.

نحكم 3 بيضات نكسرهم في صحن نديرلهم ملح، فلفل اسود و3م ك حليب نضربهم شوية ونوزعهم على خليط ودير من فوق جبن مبشور وندخلهم للفرن يكون مشعول مسبقا على درجة حرارة 180درجة مدة 15-20 دقيقة

وشهية طيبة