حنجيب كسروالة وحنحط اللبن والكريمة اللبانى والرز المغسول والسكر وحنحطهم على النار لحد لما يغلى غلوة واحدة ونطفى عليهم ونسيبها حوالى ساعة والسبب طبعا اننا بنخلي الرز يستوي براحتة من أثر الحرارة وحيبقى بعد كدة كريمي جداً وبيدوب لوحدة بس محافظ على على شكلة وحجمه. والأهم انك لما تيجي تاكلي الرز بلبن تحسي اني الرز كان منقوع في لبن مش في مية وطعمه فعلا طعم اللبن

ثم حنولع النارعلى الرز بلبن تاني ونسيبها تغلي كدة حوالى 10 دقايق مع التقليب المستمر وحنلاحظ ان الرز استوى نهائي وبقي طري وجميل

حنذوب معلقة النشا والكريم شانتيه في مية عادية وحنحطهم على الرز بلبن مع التحريك المستمر بالمعلقة الخشب ونقلب ثم معلقه الفانليا اخر شىء ثم طفى النار وسبيه يهدي شوية وبعدين نقسم الارز باللبن 3 اقسام قسم ابيض زى ماهو والقسم التانى حطى الالوان الصحية والقسم التالت مثلة وصبيته في الكاسات وزينيه ثم يدخل الثلاجه