بسم الله نخلط الزبدة والسكر والبيض وزيد الزاست والفرينة والخميرة ونلم العجينة ونخليها طرية نطرها في مول التارتولات ونثقبها بالفرشيطة وندخلها للفرن ونحمرها مليح

من جهة أخرى نخلط الصفار مع الزبدة والسكر والعصيرونحطهم فوق النار مع التحريك المستمر حتى يثقال الخليط ونخليه تدفئ ونفرغها فوق العجينة بعد ما تكون طابت

من جهة نحضر الميرانڨ نخلط البياض مع قرصة ملح ونضيف السكر بالتدريج حتى يطلع ونحطو في البوش ونعمل ديروزاس فوق الطورطة ونرجعهم للفرن مشعل من فوق حتى يحمار والتزيين اختياري انا زينت بالماندرين والموز وبالصحة والهناء