بسم الله الرحمن الرحيم

في بيتري ندير بيض بحرارة الغرفة سكر نطلعهم حتي يصبح الخليط ابيض نضيف فرينة تدريجيا نخلط من اسفل الي فوق باش ميهبطش الخليط نديرو في كيس حلواني باش يجينا متساوي في صينية نكون ديرنا فيها ورقة زبدة نخبط الصينية و ندخلها الفرن حتي تاخذ اللون الذهبيمن اسفل نشعللها من فوق و نخليها تاخذ اللون الذهبي و نخرجها و نروليها و هي سخونة باش تاخذ الشكل و نعاود نفتحها و نخليها تبرد

في كاصرون ندير عصير ليمون يغلي في هاذي أثناء ندير في إناء سكر و بيض نخلط جيدا باش يذوب السكر نضيف عصير ليمون نخلط بسرعة باش ميطيبش بيض و نرجعها في كاصرون مع تحريك مستمر حتي تثقال و نطفي و نضيف قطعة زبدة و نخليها تبرد

في بيترا نضيف حليب بارد جيدا و نضيف بودرة شونتيه حتي تطلعي جيدا نضيفها في كيس حلواني و نخليها علي جنب

في كاصرون ندير سكر و ماء و نصف حبة ليمون و نخليها تغلي مدة ٧ دقائق و نطفي و نخليها تبرد تماما

نشرب بيسكوي رولي بشاربات و نضيف كريمة الشنتيه و نرولي و نزير في اخير باش تحكم روحها و نطلي الوجه بكريمة الشنتيه و ندخلها الثلاجة نصف ساعة و نخرجها و ندير كريمة الليمون و ندير في أطراف لوز محمص و نرجعلك الثلاجة ترتاح و نقدمها للتزين ندير شرائح الليمون و شهية طيب