સૌ પ્રથમ મિક્સ કઠોળ લો. તેને 3 પાણી થી ધોઈ લો અને 5-6 કલક પલાળો. હવે બટાકા ને ધોઈને બે ભાગ માં સમારી લો. તેમાં મીઠું ઉમેરો.મિક્સ કઠોળ પલળી જાય એટલે તેમાં મીઠું ઉમેરો.

હવે કૂકર માં પાણી ઉમેરી કાટલો મૂકી બટાકા અને મિક્સ કઠોળ બાફવા મૂકો.6-7 સીટી વગાડવી. બફાઈ જાય એટલે બન્ને ને ઠંડા કરો. બટાકાની છાલ ઉતારી લો. બન્ને ઠંડા પડે એટલે એક વાસણમાં બટાકા લો. તેને મેશ કરી લો.હવે તેમાં બાફેલા કઠોળ ઉમેરો.

બન્નેને મેશ કરી લો. હવે તેમાં આદુ મરચાં લસણની પેસ્ટ,લીલી, સૂકી ડુંગળી (લીલી ડુંગળી ના હોય તો ચાલે), બારીક સમારેલાં કેપ્સિકમ ઉમેરો. બધું બરાબર મિક્સ કરી તેમાં મરચું મીઠું ચાટ મસાલો, આમચૂર પાઉડર ઉમેરો. મિક્સ કરો.

હવે તેમાં સમારેલી કોથમીર, પૌંઆનો ભૂક્કો ઉમેરી મિક્સ કરો.(પૌંઆનાં ભૂક્કા ને બદલે ટોસ્ટ નો ભૂક્કો કે બ્રેડક્રમ્સ લઈ શકાય) બધું બરાબર મિક્સ થઈ જાય એટલે તેની કટલેસ વાળી લો.

તેને ગરમ લોઢી પર બન્ને બાજુ તેલ મૂકી શેકી લો. બદામી રંગની થાય ત્યાં સુધી શેકો. શેકાઇ જાય એટલે તેને ડીશ માં લઇ કેચપ, લીલી ચટણી સાથે પીરસો. તો તૈયાર છે મિક્સ કઠોળ કટલેસ.