نغسل الدجاجة مليح بالماء والليمون وسكين جبير نخليها تستقطر شوية وندهنها بالتتبيلة (الزيت، قصبر مطحون، سكين جبير، الملح، طماطم مصبرة، القليل من الهريسة، الكركم، تابل الدجاج، القليل من الثوم غبرة، موطارد والفلفل الأسود) نخليها في التتبيلة أطول فترة ممكنة أنا خليتها حوالي ساعتين (كلما كانت في التتبيلة مدة طويلة كانت البنة رائعة).

من جهة أخرى سلقت كاس من الأرز في الماء فيه الملح وورقة رند والقليل من الكركم، جبت الدجاجة اللي كانت في التتبيلة خيطت الجوانب خليت فتحة في الوسط عمرت الروز وربطت الأرجل

حطيتها في كيس الشواء وغلقت عليها ودرت ثقوب في الكيس، حطيتها فوق صينية، دخلتها للفرن المسخن مسبقا على درجة حرارة متوسطة باش طيب على خاطرها.

كي طابت دهنها بالزبدة وعاود رجعتها للفرن شعلت عليها من فوق مدة 10 د فقط باش يتوحد اللون، قدمتها مع البطاطا المقلية.

وبالصحة ولهنا.