نبدأ اولا نقشر باذنجان و نقطعو دوائر نجيب صينية فرن ندهنها بالزيت و نرص الباذنجان فيها و نزيد ندهنو من فوق ندخلو للفرن حتى يطيب

نقطع لجريوات هي الاخرى دوائر و نقلبها

في مقلاة نحط شوية زيت و نحط البصل يتقلي شوية ثم نضيف اللحم المفروم و نخلط جيداً نزيد ثوم و الملح و الفلفل الاسود

كي يطيب (يستوي) نحيه و في نفس المقلاة نحط شوية زيت و نقطع الفلف الحار و نقليه شوية نزيد ملعقة طماطم مصبرة و الثوم نحرك قليلا و نضيف طماطم مرابية و نزيد نخليها تطيب اي تستوي

في كسرونة نحط ٢ ملعقة كبيرة زبدة ندوبها و نضيف ٢ ملعقة كبيرة فرينة نحرك جيداً و نبدأ نضيف الحليب نبقي نحرك كي تعقد نطفي و نضيف رشة ملح ورشة فلفل اسود و ملعقة صغيرة ثوم و الجبن

نجيب قالب الفرن و نوجد كل المكونات قدامي نحط اولا شوية طماطم ثم نحط طبقة باذنجان ثم لحم مفروم ثم طماطم ثم بشاميل ثم طبقة جريوات (كوسا) ثم طماكم و اللحم ثم بشاميل ثم اخر كبقة باذنجان و جريوات (كوسا) المتبقية ثم طماطم و في الاخير بشاميل و جبن مبشور نحطها في الفرن حتى تأخذ لون ذهبي

بالصحة و الراحة

شهية طيبة