بقشر البطاطا وبقطعها وبسلقها ، بعد ما تستوي بضيف قطعة زبدة صغيرة ومعلقة حليب سائل وبعجنهم منيح.

بحضر اللحمة ، بقطع البصلة وبحط عليها زيت وبقليها شوي بعدين بضيف اللحمة بعد ما تستوي بحط عليها الذرة والفطر والبهارات بحركهم شوي وبطفي تحتهم وبتركها تبرد عشان اعرف استخدمها.

بحضر البشاميل بحط الزبده حتى تذوب وبضيف الطحين وبحركهم كتير منيح بعدين بضيف الحليب بالتدريج ومرقة الدجاج و الملح ، بضل احرك حتى أوصل للقوام المطلوب.

بجيب البايركس وبحط شوية بشاميل ، بكور البطاطا وبحشيها باللحمة وبصفها بالبايركس بعد ما اخلص من التكوير بحط عليهم البشاميل وبرش جبنة الموزاريلا وبدخلها الفرن من فوق لتاخد لون دهبي ،بعد ما تطلع برش بقدونس للزينة ولتطعي منظر حلو (اختياري البقدونس).

صحتين وعافية 🌹