نحط اطراف الدجاج ونرحي البصل والثوم وطماطم حب و نزيد الجزر مقطع مكعبات صغار والحمص و الزيتون اما حب ولا مقطع (اختياري) و نزيدلهم طماطم المصبرة والتوابل والملح و لزيت ونخلط كل مع بعض نحطهم يتقلاو مليح ثم نمرق بماء ساخن (كثرو شوي المرق لخطر تليتلي يشرب بزاف)

بعدما طيب المرقة نحي اطراف اللحم و نخليها على جنب, نضع قطعة متوسطة من المارغرين في قدر ذوب و نفرغ عليها تليتلي و نحمصو شوية برك ميش حتى يولي كامل احمر لمهم يتحمصو حبات فقط كيما في صورة

نفرغ تليتلي لي حمصناه في صينية فرن تكون كبيرة شوية و نفرغ عليه المرق مع الجزر و الحمص و الزيتون (نفرغ المرق بالمكونات تاعها هكذا باه شرحلي يكون واضح) حتى يتغطى تليتلي مليح بالمرق و ندخلو للفرن على اقصى درجة و نغطيه بصينية فرن اخرى لكي يطيب مليح (انا عندي فرن اقصى درجتها200د)

كل ربع او نصف ساعة نفتح عليه و نحركو و كي نلقاه ناشف من المرق نزيدلو و نغطيه و ندخلو للفرن يطيب و هكذا نكمل كل مرة نشوفو و نزيد المرق حتى يطيب (تشوفي الحب تاعو طاب نحي عليه الغطاء و خليه يجمر شوي و نحيه)

انا حكملي في طياب ساعة على حساب نوعية تليتلي كاين لي حبتو طويلة ياخذ ساعة ونص ولي حبتو صغيرة ساعة.