نقشر البطاطا و نغسلها و نقطعها و نديرها تفور و نديرلها شوية ملح

في صحن ندير مغرف موطارد (خردل) و زوج فصوص ثوم و ملح و ندهن بيهم أطراف الدجاج من بعد نحطهم في الكوكوطة لي كنت درت فيها فنجان زيت و مغرف خل على نار قليلة و نبقا نحرك فيهم حتى يتحمصو على الجوانب الكل

من بعد نضيفلهم كاس ما و نغلق عليه الكوكوطة و نخليه على نار قليلة و بعد ما تبدا تصفر نحسب عشر دقائق و نفتح عليه

و البطاطا بعد ما طيب نرحيها و نضيفلها فرماج (جبنة) و زبدة و حليب و ندير عليها شوية صوص لي طاب فيها الدجاج و لي ما تحبش ما ديرهاش و شهية طيبة 🥰