પાલકને સમારીને ધોઈ લો. પાલક અને ૨ લીલા મરચા મિક્સરમાં સાથે ક્રશ કરી લો.

ઘઉંના લોટને ચાળી લો. તેમાં મીઠું અને તેલ નાખી મસળો.

પછી તેમાં થોડી થોડી પાલક પ્યુરી ઉમેરી પરોઠા જેવો લોટ બાંધો.

બાંધેલા લોટને 20 મિનિટ ઢાંકીને મૂકી રાખો.

ચીઝ અને પનીરને છીણી લો. મેં આમાંથી અડધુ-અડધુ સો 100 ગ્રામ ચીઝ પનીર લીધું છે.

પછી તેમાં પીઝા સોસ નાખો. પછી પીઝા મસાલો, ઓરેગાનો, ચીલી ફ્લેક્સ, ટોમેટો કેચપ અને સ્વાદ પ્રમાણે મીઠું નાખો.

પછી એ બધું હાથેથી મસળો અને બરાબર મિક્સ કરો.

તમે તમારી રીતે પીઝા મસાલો અને ચીલી ફ્લેક્સ વધુ ઓછું લઈ શકો છો.

હવે પરાઠાને ગોળ વણો. તેમાં અડધા ભાગમાં સ્ટફિંગ ભરીને બાકીના પરાઠાને અડધો વાળી લો.

પછી તેને તવી પર બન્ને સાઈડ તેલ લગાવી ને શેકો.

તૈયાર છે પાલક પનીર ચીઝ પરાઠા......તેને દહીં તિખારી કે ટોમેટો કેચપ સાથે સર્વ કરો.