اولا نحط حبة الكرمب تغلي جيدا

في هاذ الوقت نكون حطيت مرقة بيضاء طيب من مكوناتها

نرحي حبة بصلة و حار و ثوم و دبشة و معدنوس و نمرق بكاس ماء مع قطعة دجاج اذا توفرت و نحطهم على النار يطيبو

من جيهة اخرى نكون حضرت الروز نغليه مع ماء و ملح حتى يجهز و نحطو على جيهة

نقلي الكفتة الي عندي مع حبة بصل صغيرة مقطعة الى مربعات صغيرة

نخلط الروز مع الكفتة مع الفرماج مقطع صغير

من جهة اخرى نكون نحيت حبة الكرمب و نفصل اوراقها بلوحدة باه متقطعلناش

و ندا نحط في الحشو لي وجدناه تاع الارز ندور بلحبة و نحط في المول نكون دهنتو بزبدة نصف جميع الحبات الي عندي

خطوة اخيرة نجيب المرقة لي حضرتها نسكبها فوق الكرمب و نقطع عليه قطع صغيرة تاع زبدة و نحطها في الفرن حتى تنشف المرقة و شهية طيبة