نخفق البيض و السكر و الفانيلا جيدا مع بعض حتى يتضاعف حجم البيض و يصبح لونه فاتح ثم نضيف الزيت و الحليب و نواصل الخفق بعد ما يتجانس الخليط نضيف الفرينة و الكاكاو و الخميرة بعد ما ننخلهم و نخلط من فوق لتحت حتى يتجانسو

نجيب صينية مدهونة بالزبدة و نسكب فوقها الخليط و ندخلها لفرن مسخن على180° بعد ما تنضج نخرجها و نهليها تبرد قليلا ثم نجيب عود خشبي و نثقبها و نسقيها بكاس حليب بعد ما نخلطو مع بودرة الشوكولا و نروح نطلع الكريمة بخفق بودرة الشونتي و الحليب و الياوورت و الكاكاو مع بعض حتى نتحصل على كريمة متماسكة

نفرغها فوق الكيك ز نمشيها على السطح كامل و نحاول نسويها جيدا ندخلها الثلاجة نصف ساعة

نجيب الشوكولا و نضيفلها الحليب بعد ما نكون سخنتو جيدا و نسكبو عليها و نخلط جيدا حتى تذوب كامل الشوكولا نخلوها تبرد قليلا

ثم نسكبها فوق التحلية نخليها حوالي خمس دقايق ثم نحدد القطع بواسطة السكين من غير ما نقطع و نزين الحبات ثم ندخلها للثلاجة ساعتيين قبل التقديم

و بالصحة و الراحة 🤗