اجيب ال٣ صدور فراخ من غير جلد واقطعهم لقطع قد عقلة الاصبع

اجيب حاجة كبيرة احط فيها ٢ زبادى والملح والفلفل وبهارات الفراخ والبابريكا واخلطهم ببعض واحط عليهم قطع الصدور اللى قطعتها واقلبهم كلهم فى بعض واخدهم احطهم فى التلاجة ساعة واحدة

اجيب بقى طبق كبير اوى او اى حاجة كبيرة بس يكون ليها غطا احط فيها بقى دقيق كتير ومعلقة نشا وبيكنج بودر وملح وفلفل وبابريكا وبعد ساعة اخرج صدور الفراخ من التلاجة واحطها فى خليط الدقيق اللى عملتة واقفل الغطا وارج كتير عشان كل الفراخ يبقى عليها دقيق

لو فى فراخ لسة مجاش عليها دقيق عادى اجيب طبق واحط فية نفس خلطة الدقيق واحط عليها قطع الفراخ فرادى وبعدين اكون مجهزة طاسة كبيرة احط فيها زيت كتير ويكون بيقدح اقوم حاطة قطع الفراخ فرادى كدة لغاية لما تاخد لون دهبى وبالهنا