بقلاوة معسلة ومقرمشة
#معسلاتي_الحلوة راني خليتها فالبلاطو خاطر ديتها في يدي زيارة
بقلاوة معسلة ومقرمشة
#معسلاتي_الحلوة راني خليتها فالبلاطو خاطر ديتها في يدي زيارة
إفتح في تطبيق كوكبادالخطوات
- 1
بسم الله نحضرو العجينة هي الاولى في قصعة نحط الفرينة ونذوب الكيلة نتاع السمن ونلوحها على الفرينة والملح ونبسسها بيدي ملييييح مليح حتى تتغلف كل حبات الفرينة منبعد نكسر حبة البيض في صحن ونزيد عليها الماء وماء الزهر ونخلطهم مليح باش كي نجمع العجينة مايكونش فيها خطوط صفار البيض ونجمع ونكمل بماء الزهر والماء حتى نتحصلو على عجينة ميش تتلاصق فاليد تكون يابسة باش تعطيلنا الطوع كي نكونو نحلو فيها نعجنها مليح حتى تنساجم العناصر ونقسمها الى16 كرية نغطيهم ونخليهم يرتاحو للامانة انا خليتهم باتو
- 2
نبداو فالحشو كنت حمصت الكاوكاو فالفرن ونص قشرتو ونص خليتو بالقشور منبعد رحيتو بالطريقة الى تشفو ميش رقيييق خلاص وميش خشين كيلت 3 كيلات كاوكاو مع اقل من نصف كيلة سكر لانو العسل الى عندي نوعية مليحة وقاطع لازم النقصو السكر خلطهم مع بعض هنا الى تحب تزيد القرفة عادي انا ما ضفتش لانو راح نديها في يدي زيارة ما حبيتش ورشة ملح لتصحيح الذوق ونبدا نرش بالماء الزهر ونفتل نرش ونفتل والكاوكاو راهو يشرب حتى يتشرب مليح والسكر يبدا يذوب ونحسها مشربا مليح نعطيها ونخليها ايضا يبات غدوة تلقايه معسل يسخف
- 3
الغدوة هذيك نجيب البلاطو ندهنو بالسمن مليح ونبدا نحل فالكرات نرش سطح العمل بالنشاء ونفتح الكرة الاولى بالاستعانة بالنشاء دائما مانديش خلاص الفرينة نحلها رقييقة ونحطها فالقاعدة وندهن بالسمن ونزيد الثانية وندهنو بالسمن حتى نكملو 8 طبقات من الاحسن نحلوها باليد ميش بالالة نتاع العجين باش ماتكونش مفتتة العجينة كي ترتاح مليح تعطيك الطوع حتى نكمل 8 طبقات الطبقة الاخيرة ما تدهنيهاش باش ما يطيرش الحشو كي تقصيها منبعد من الوجه منبعد نستف الحشو نتاعي مليح ونضغط عليه شوية فقط بيدي ونحاول يكون نفس المستوى
- 4
الوجه ايضا بنفس الطريقة نفتحو العجين بالنشاء ونحطو الطبقة الاولى على الحشو وندهن بالسمن يكون ذايب والثانية والثالثة حتى الطبقة رقم 8 منبعد ندهنها بالسمن ونقطعها مقرودات ومن بقايا العجين نقطع صدفات ونحطهم بالجنب ونرشق بحبة اللوز بعد ما نعمل فتحة صغيرة بالسكين باش ما تفستدش الفورمة نتاع الجبة وندهن بالسمن ونخليها ليلة كاملة باش كي نطيبها ما يتلمش العجين بعد ما قصيتها وطيب يتلم لعجين وتبان الحشوة وتخرج ميش باهية والا قبل ما تقصيها خليها ليلة كاملة كي تقصيها وطيبيها تخرج مليحة
- 5
والغدوة هذيك نطيبها في فرن مسخن مسبقا 10 دقائق على درجة متوسطة ونخليها الطيب من الاسفل وتاخذ اللون الذهبي منبعد نشعل من الفوق وتزيد تولى باللون الذهبي ونخرجها وهي سخونة نسقيها بالعسل من الباطة للبقلاوة مانسخنوه ما نزيد ماء الزهر نشربوها مليح انا درت كيلو غير ربع يعني خليت منو واحد الكاس وخرجة مشربة مليح ومقرمشة تهبل تستاهل فمكم وبالصحة العافية
Keywords
وصفات مشابهة
وصفات ننصحك بمشاهدتها
التعليقات (8)