نحطو اطراف الدجاج فلكوكوط ونزيدو شوي زيت يتقلاو شوي نحط فوقهم طماطم مرحية وثوم وطماطم مصبرة نزيدو توابل ونخلوها تتقلا ملييييح

كي يتقلاو المكونات نزيدو الحمص المنقوع ليلة قبل ونغسلو الفريك تاعنا الخاص بهذا الطبق(يجي خشين عل تع شربة فريك)ونلوحوه تاني بعدما نمرقو

هي تهز الغلية وانا نقفل عليها ونقصلها طوووول نصف ساعة تعود واجدة

نحي الجاج نلقاوه طاب ونلوحو فلفل يكون حار نخلوها تغلي شوي ونطفيو وكي نطفيو نقصو الدبشة في المرق

نحطو الرقاق (وصفة تاعو حضرتها في وصفة سابقة) ونسقو الرقاق تاعنا بالمرقة ونقدموها مع بومنقوع وشهية طيبة