إفتح في تطبيق كوكبادالخطوات
- 1
نسلق المكرونة في ماء مغلي ونطلعها تبرد تحت ماء فاتر
- 2
نسيح معلقين سمنة ونحط الدقيق نقلب لحد ما ياخد لون دهبي وننزل باللبن بالتدريج مع التقليب لحد ما نوصل لقوام سايل مش كريمي زي قوام بشاميل المكرونة بالبشاميل
- 3
بنضيف كمية جبن صغيرة مش كتيرة عشان هنحط تاني عالوش(لو عايزاها تمط اوي زودي بس هتغطي على طعم الفراخ والمكرونة) مع اللبن ونحط ملح وفلفل ونقلب
- 4
نجيب صدور الفراخ ونقطعها مكعبات صغيرة ونحمرها في شوية زيت او سمنه ونتبلها بملح وفلفل وبهارات فراخ ونقلب لحد ما تستوي
- 5
لو هتضيفي شرايح الفلفل والطمام والزيتون شوحيهم مع الفراخ تاخد ريحة وطعم
- 6
هنجيب الصينيه نفرد فيها شوية من البشاميل ومش كتير
- 7
نحط المكرونة وبعدها طبقة من البشاميل بعدين الفراخ والخضار لو هتحطيه وبعدين طبقة بشاميل
- 8
حطي عالوش الجبنة وخلي بالك ان الفراخ فيها ملح والبشاميل فيه ملح والجبنة بتدي سنة ملوحة فاظبطي الملح كويس وخلي بالك ان الفراخ مستوية والمكرونة فلو عاوزة الأكلة تجهز بسرعة خلي البشاميل في الاخر وضيفيه وهو سخن
- 9
دخليها الفرن على درجة حرارة متوسطة وبتستوي في فترة من ١٠ ل٢٠ دقيقة
- 10
حطيها تحت الشواية لدقايق بعد ما تستوي عشان الجبنة تسيح والصينية تاخد وش حلو
- 11
لو جربتيها وظبطت معاكي صوريها وفرحيني🌹
وصفات مشابهة
وصفات ننصحك بمشاهدتها
التعليقات (5)