بعد ما اطيب نتركها تبرد ونقسمها اي جينواز الى قسمين اوتلاتا حسب الرغبة انا قسمتها الى نصفين ثم نشربها بسيرو تاع شاربات الى طيبناه من قبل سيرو فيه كاس سكر و2كاس ماء شريحة ليمون تغلي مدة 15دقيقة ونطفي عليه

الان نضع مزيج من كريمة الشانتيه وكريمة الليمون فوق الطبقةالاولى ثم نغطيها بالطبقة الثانية بعد ذلك نغلف الكيكة كاملة بكريمة الشانتيه

نضع شرائح اللوز او الكوكاو محمصة في جوانب الكيكة (انا ما حمصتهاش اولادي ما احبوهاش محمصة)ثم نشكل ورود بكريمة الشانتيه بلبوش بعدها نضع كريمة الليمون في الوسط ا

طريقة تحضير كريمة الليمون :نضع في كاسرونة بيض مايزينة (نشاء)سكر نحرك جيداً ثم ندفي كمية عصير الليمون ندفيه قليلا فقط ونفرغه تدريجيا فوق خليط البيض والسكر والمايزينة نظيف قطرات من بات اغوم بذوق الليمون نضعه على النار ولا نتوقف على التحريك حتى يعقد ننزعه ونظيف له كمية الزبدة نحرك بسرعة ثم نغطيه بكيس بلاستيكي يجب ان يلامس سطح الكريمة و نضعه يبرد الى حين استعماله