اجيب حاجة غويطة للعجن احط فيها ٣ كوب دقيق وعليهم معلقة صغيرة ملح

اجيب كوب وربع اللبن احطهم فى حاجة وعليهم معلقة كبيرة خميرة فورية ومعلقة سكر واللبن يكون دافى شوية واقلب لغاية لما كلهم يختلطوا

اجيب الخليط من اللبن دة واحطه على الدقيق اللى حطيت فية ملح دة واعجن لغاية لما تبقى طرية وممكن ازود لبن او دقيق لو احتاجت واسيبها تخمر لمدة ساعة كدة او اقل

بعد ماتخمر اطلعها واقطع اجزاء وكل جزء هكورة واكون محضرة طبق فية لبن وطبق تانى فى سمسم امسك كل كورة اغمسها باللبن ثم السمسم ويكون السمسم مغطى الجزء العلوى كلة عشان هفردها بقى اكنكو بتعملو بيتزا كدة دائرية نص دائرية او اى شكل تانى زى ماتحبو

احط زيت فى الطاسة بقى ويكون سخن جدااااااا ها وبعدين اجيب كل قطعة منها بقى واحطها فى الزيت ولاااااااااااازم بعد ماحطها فى الزيت امسك المعلقة واجيب الزيت واحط على سطحها عشان تنتفخ بعد ماتنتفخ اقلبوها وهكذا لغاية لما يكون لونها دهبى

تقدرو تحشوها اى حاجة جبنة لانشون فراخ اى حاجة وطعمها تحفة بجد مش زى العيش البلدى ولا الفينو وبالهنا ✌