نرحي صدر الدجاج و نضيفلو التوابل و نعجنو مليح و نضيفلو بياض بيضة و نزيد الشابلير و نجمعها مليح و نحطها فوق بلاستيك غذائي و ندير طبقة مليحة من السلق كنت نضفتو مليح و نزيد جبن مبشور طبقة و نغلقها و ندور مليح و من بعد نعاود نحلها و ندهنها بالصفار لي خليتو و نكمل كامل الكمية صدر دجاج يخرج 2 رولوات

من جهة اخرى في قدر نقلي مليح الكركاس تاع الصدر و نزيد بصلة و طماطم حبة و جزر و نقليهم مليح و نزيد ثوم و توابل خاصة بالدجاج و ورقة رند و نمرق بعدما نكون قليت مليح و نحط هاذوك الرولوات تاع الجاج لي كنت جهزهم ندير فيهم ثقوب و البلاستيك دوبليتلو درت مرتين السيلوفان و نخليهم يطيبو و من بعد نصفي المرق و نحي الجزر و الرولوات و نقلي الزيتون الاخضر مع م ك زبدة و م ك فرينة و نصفي الصوص فوقها