نخلط الحليب و الزيت جيدا مع بعض ثم نضيف بيضة و ملعقة صغيرة سكر و نخلط حتى تختفي تماما ،نضيف الملح و الخميرة الكيميائية و نلم بالفرينة بالتدريج حتى نتحصل على عجينة طرية

نعجنها قليلا و نخليها تخمر نصف ساعة ،بعد ما تخمر نقسمها الى 4 كريات و نجيب الكرية الاولى و نحلها على شكل مستطيل و نفتحها رقيقة نذهنها بالزبدة ذايبة و باردة

و نغطيها بطبقة ثانية من العجين (بعد ما نكون فتحتها مثل الكرية الاولى) و نزيد نذهنها بالزبدة و نطويها على 2 كما في الصورة نزيد نذهنها و نطويها على 4

و نواصل بنفس العملية مع 2 كرات المتبقين من بعد نغطيهم و ندخلهم للمجمد 10د

من بعد نفتح العجينة الاولى و نحطها في صينية تدخل للفرن و مدهونة بالزبدة و نحطلها الحشو (اختياري) و نغلق عليها بالطبقة الثانية من العجين و نقسمها الى قطع و ندهن السطح بصفار بيض و نزينها بالزيتون الاسود و ندخلها لفرن مسخن على200° كي نشوف الاطراف تحمرو نشعلها من فوق تتحمر و نخرجها تبرد قليلا و نقدمها بالصحة و الراحة 😊