في آناء نضع السميد والفرينة والملح ولأفاني ونخلط جيدا ثم نضع السمن ونخلط ونبسس جيدا مدة 5 دقائق ثم نغطيها بكيس بلاستيكي ونخليها ترتاح مدة ليلة كاملة

نحضر العقدة نضع المكسرات والسكر ونخلط جيدا وثم نضع ماء الزهر بالتدريج مع الخلط الجيد والقوام يكون مثل الكسكس ونغطيها ونخليها بجيه أيضا

بعد ليلة كاملة نجيب السميد تاعنا ثم نحضر الماء وماء الزهر مخلطين ونبدا ندير حتى نتحصل على عجينة ونخلي القليل من خليط الماء وماء الزهر مثلا ملعقة كبيرة

ثم نقسم العجينة إلى قسمين متساوين نأخذ عجينة نغطيها ونخليها بجيه ونخدم بوحدة

نفتحها فوق ورق طهي حسب السينية ثم نضعها في السينية ونسوي الوجه جيدا ثم نضع العقدة ونسويها جيدا

ثم نأخذ العجينة الثانية ونضع فيها الكمية الي كنا خليناها من قبل تاع خليط الماء وماء زهر ونخلطها لأننا كي نخليها تتشرب على هذا احتفضنا بخليط ماء الزهر

ثم نفتحها عادي مثل الأولى ونضعها فوق طبقة العقدة ثم نسوي الوجه ونقطع المقروط عادي ثم نقوم بنقش كل حبة ونحطلها حبة لوزة كما في الصورة

ونحطها تطيب في فرن مسخن من قبل جيدا على أقصى درجة وعندما نضعها في الفرن نقص لدرجة الحرارة ونشعل غير من التحت ونخليها مدة ساعة ثم كي نشوفو الأطراف تحمرو

نشعل الفرن من فوق ونخليه يأخذ تحميرة شابة ثم نخرجو ونعسلو وهو سخون والعسيلة باردة

ونخليه مدة ليلة كاملة باه نقدموه وشهية طيبة 😊😙😚