نحضر العجينة نخلط الفرينة والملح وفانيلا ثم نبسس بالسمن جيدا ونلم بالماء وماء زهر

نغلفها ونخليها ترتاح من ثلاث ساعات الى اكثر وكلما ارتاحت تساعدك فالخدمة انا خليتها تبات

نوضع عي طبسي المكسرات لوز وكاوكاو قيس كيلو ونزيد عليه السكر ونمزج ثم نلم بالاصابع فقط بالماء وماء زهر بلاما نعجنوه فقط نشمخوه ونزيد عليه مبشور ليمون 🍋حسب الرغبة وفانيلا او قرفة حسب الرغبة

نوزع الحشو على طبقات السفلية

ونكمل نحل الطبقات العلوية ايضا مثني مثنى لكن نحرص هنا اننا بين كل طبقتين نزيد ندهن بالسمن ونرش رشة خفيفة مايزينة حتى تتورق معايا

لما نكمل نقطها بسكين حاد و نغمس حبات الكاوكاو وندهن الوجه دهنة خفيفة

ندخل السنيوة للفرن مسخن على درجة متوسطة من الاسفل فقط مدة نصف ساعة او اكثر حسب الفرن هنا ضروري نعسوها ولما نشوف الجوانب تحمرو نشعل من الفوق خمس دقايق او عشورة نار ضعيفة حتى تتحمر ونخرجها مباشرة نسقيها بالعسل يكون بارد

نخليها تتشرب مدة اربع ساعات او تبات ليلة احسن وصباح باه نقطعها ونحطها فالكيسات ونقدمها شهية طيبة