إفتح في تطبيق كوكبادالخطوات
- 1
أولًا: الكيكه ف العجان بنحط البيض والسكر ونضربهم جيدآ لحد ما تعلى وتاخد قوام بعدين بنحط الزيت والزبده واللبن ونضربهم والڤانيليا بعدين بننزل ب الدقيق شويه بشويه ونضرب بعد كدا بنحط الخليط ف صينيه متبطنه ونحطه في الفرن السابق تسخينه ع درجه حراره ١٨٠/٢٠٠
- 2
تاني خطوه الجيلي بنفضي الجيلي ف بوله عميقه ٤ باكو ونحط عليهم ٤ كوب مياه ساخنه ونقلبه لحد ما يذوب بعدين نزود ٤ كوب مياه بارده ونخط سكر لتحلية الچيلي جيدآ
- 3
الخطوه الثالثه بنجيب صنيه المقاس اللي اكبر من اللي حاطين فيه الكيكه يعني لو الكيكه ف صنيه مقاس ١٨ يبقى هناخد مقاس ٢٠ ونقطع فيها الفاكهه بتاعتنا موز فراوله ف الارضيه ونصب فوقها (نصف) كمية الجيلي ونحطها ف الفريزر ونحط باقي كمية الجيلي ف التلاجه تحت
- 4
بعد كدا بنضرب الكريم شانتي ب اللبن المثلج ونحطه ع رف الثلاجه
- 5
بعد ما الكيكه بتطلع بنسيبها تبرد تماما قبل ما نبتدي نشتغل فيها بعد كدا بنقسمها نصفين ونحط نصفها في الصنيه اللي فيها الجيلي والفاكهه وندهنه كريم شانتي وممكن تحطي فاكهه شرايح
بعدين بتحطي نصف الكيكه الثاني وتحطي ف جوانب الصنيه بعد ما تلمي الكيكه ع بعضها شرايح فاكهه وبعدين تحطي باقي كمية الجيلي - 6
(ملحوظة) بتحطي الجيلي من جوانب الصنيه مش تصبيه فوق الكيكه عشان متشربهوش
حطي باراحه في الجوانب لحد ما تتملي - 7
بعد كدا بتحطيها ف الثلاجه ليله كامله عشان تكون متماسكه حلو جدآ
- 8
اهم خطوه بقى اما تيجي تقلبيها ع صنية التقديم بتجيبي فوطه كبيره وبليها ميه سخنه وحطيها ع الصنيه كأنك بتعملي حمام بخار خفيف لها عشان الجيلي بدوبه يفك وزينيها من فوق زي ما تحبي♥️
- 9
ممكن تغيري نوع الفاكهه والجيلو حسب رغبتك دي كنت عاملاها بالاناناس والموز وشرايح فراوله +جيلو اناناس
وصفات مشابهة
وصفات ننصحك بمشاهدتها
التعليقات (17)