نبدا برحي صدر الدجاج ونضيف غليه م ك ارز مغلي ونعاود نرحيه باه نزكي كمية اللحم لي عندي ثم نحطو في صحن نضيف عليه المعدنوس والتوابل والفلفل الاسود و م ك ياؤورت طبيعي وم ك زيت والبصل ونخلط الكل جيدا

بعد ذلك نجيب مول يدخل الفرن نفرشو بورق الزبدة وندهن الورق بالزيت ونبدا نفرغ كمية اللحم لي عندي تدريجيا ونسوي باليد جيدا حتى نتحصل على شكل مستطيل نطلع من الجوانب ونسويه مليح

نجيب صحن نكسر فيه البيض ونضيف عليه م ك ياؤورت طبيعي والمعدنوس وزيتون اخضر مقطع وم ك حليب وجبن مبشور ونخلط جيدا ونفرغ الخليط تاعي في المول وندخلو الفرن يطيب من تحت ثم نشعل عليه يتحمر من فوق

بعد ماطاب نخرجو ونخليه يبرد وننزع منو ورق الزبدة

انا حضرتلو مرق ابيض ونعمل فيه صبيعات من اللحم وقدمتو فالصحن قصيتو مثل الكروكي وقدمتو مع المرق الابيض