نحضر العجينة نبسس الفرينة بالزبدة ونلمها بحبة البيض وادا ماتلمتش نزيدلها م ك حليب حتى تتلم ونخليها ترتاح على الاقل نصف ساعة

نقطع البصلة رقيقة ونقليها مع الزيت والتوابل نضيف الفطر يتقلى معاهم حتى يدبال ثم نضيف معدنوس مقطع رقيق ونطفيها نخليها تبرد

نجيب كاس الحليب نخلطلو الأجبان وحبة البيض ونخليه على جنب

بعد ما ترتاع العجينة نجيب ليمول ونحل العجينة فليمول نتقبها بالفرشيطة

وندخلها الفرن تحكم روحها ونخرجها نضيفلها الحشو وخليط الحليب مع الاجبان ونرجعها للفرن تطيب لما تحمر من الجوانب نشعللها من لفوق تحمر