نخلط الفرينة و السكر و الزيت جيدا ثم نضيف الخميرة و الخميرة الكيميائية و الملح نخلط و نضيف الحليب و نبدا نلم بالماء حتى تتلم العجينة و نتحصل على عجينة طرية و متماسكة

نعجنها قليلا ثم نضيفلها الزبدة و ندخلها جيدا فالعجين نغطيها و نخليها تخمر و يتضاعف الحجم تاعها ،نحل العجينة (ما تكونش رقيقة بزاف) و نطبعها بالشكل لي نحب

و نحطها في صينية مرشوشة بالفرينة و نزيد نخليها تخمر جيدا ثم ندخلها لفرن مسخن على 160° و نخليهم يطيبو من غير ما يتحمرو ،نخرجهم نخليهم يبردو و نقسمهم نحشيهم بالمايونيز و التونة و جبن الساندويش و نحطهم يتحمرو فالبانيني و نقدمهم بالصحة و الهنا 🥰