نحضر اولا المرق الابيض في طنجرة نضع الكويس نضيف عليه بصل وثوم ومعدنوس مقطع وتوابل والملح والفلفل الاسود نضيف عليهم م ك زيت ونحطهم يتقلاو مليح ومن بعد نمرق بالماء ونخليه يطيب

نحضر حشو اللحم المفروم نجيب اللحم تاعي نحطو في صحن ونتبلو بالمعدنوس والتوابل وم ك بصل مسكرفج وسنات ثوم ونضيف حبة بيض و م ك شابلير ونخلط جيدا ونحطو على جنب بعد ذلك نجيب كيس بلاستيكي نحل عليه اللحم تاعي ونجيب مول السيقار بعد مادهنتهم بالزبدة ونلوي عليهم اللحم حتى نكمل كامل الكمية

نجيب مقلاة نخط فيها م ك زبدة وم ك زيت ونحطها على النار ونحط حبات اللحم يطيبو حتى يتحمرو على الجهتين

بعد ذلك نخيهم ونخليهم يبردو وونزعو لي مول منهم ونجيب صحن نحط فيه جبن طري ونخلط معاه م ك كريمة سائلة ونخلطهم مليح ونعمر لي سيقار تاعي ونتركهم على جنب ومن بعد نخرج الكويس تاعي من المرق

نجيب مقلاة نحط فيها زيت وندهن الكويس تاعي بالزبدة ونحطو يتخمر فالمقلاة بعد مايتحمر من كل الجوانب نرجع للمرق تاعي ونخليه فيها مدة 10د

الخطوة الاخيرة في صحن التقديم نحط حبات السيقار المحشية ونغلي المرق تاغي جيدا ونحط الكويس تاعي على جنب ونصب كمية من المرق ونشبحو بقطع ليمون ومعدنوس