فى وعاء نضع الزبدة+السكر+الزيت و نخلطهم مليح بالباتور ثم نزيد البيض و نخلط من بعد نزيد الخميرة و شوية نشاء نخلطهم ثم نقسم الخليط الى نصفين.

النصف الاول لكريات الثلج نكمل نجمع بالنشاء حتى نتحصل على عجينة طرية ثم نكورها كورات صغيرة نحشيها من الداخل بحبة لوز و ندخلها فرن ساخن على 180درجة حتى تطيب و تتحمر من تحت من بعد ما بردت مليييح نغطسها فى الشكولا البيضاء و نرمدها فى جوز الهند و فى الاخير زينتها بالورقة الذهبية.

بالنسبة للنصف الثانى لقلوب الفيريروشى نزيد عليه الكاكاو+الشكولا و نجمع بالنشاء حتى نتحصل على عجينة طرية ثم ناخذ كمية قليلة من العجين نضعها داخل مول السليكون نعمر الوسط بمزيج الشكولا و الكاوكاو كما هو موضح فى الصورة و نغلقها بشوية من العجين بحيث تكون كمية العجين اقل من حواف المول باش كي تتنفخ ما تخرجش و نقلب المول علي الوجه ديالو فوق السنيوة من الاحسن نزيد نثقل عليه بسنيوة اخرى من فوق و نطيبها على 180درجة،من بعد ما طابت و بردت نڨلاصيها بقلاصاج الفيريروشى نخليها حتى تنشف و نزينها بالورقة الذهبية.